Ambasadori italian në Prishtinë Michael Giffoni dhe përfaqësuesi i BE-së për veriun e Kosovës, i ka thënë BBC-së se roli i tij është për të lehtësuar dialogun ndërmjet komuniteteve me qëllim të depolitizimit dhe zgjidhjes të çështjeve të jetës së përditshme të qytetarëve.

Ai ka thënë se roli tij nuk është ndërmjetësues mes Prishtinës dhe Beogradit, por në dialogun për çështjet jetike të komuniteteve në veri, që do të përfshijë, siç tha të gjitha palët e interesuara, pa e përjashtuar edhe Beogradin zyrtar.

Ambasadori I tha BBC-së se që nga muaji i ardhshëm do të hapet një “shtëpi e BE-së” në veri, që sipas tij, nënkupton forcimin e pranisë së BE-së dhe një rol të rëndësishëm të saj në këtë pjesë, në periudhën e stabilizimit dhe konsolidimit të Kosovës.

Zoti Giffoni përjashtoi çdo ndërlidhje të misionit të tij në veri me strategjinë e Zyrës Civile Ndërkombëtare dhe të autoriteteve të vendit, duke e cilësuar misionin e tij, vetëm si promovues të vlerave të BE-së në terren.

< Paraprake		Pasuese >