Ministri i Mbrojtjes i Estonisë, Jaak Aaviksoo qëndroi sot në Kosovë, ku u prit nga komandanti i KFOR-it, Markus Bentler. Ky i fundit e informoi mysafirin për situatën e përmirësuar të sigurisë në Kosovë, që u pasua me reduktimin e trupave në 10 mijë sish.

Bentler pohoi gjatë takimit se sfidat politike në Kosovë janë më provokuese sesa ato ushtarake. Sidoqoftë, përkundër adaptimit të trupave misioni i KFOR-it nuk do të ndryshoj.

Sipas një kumtese shtypi të lëshuar nga KFOR-i në takim u fol edhe për ngritjen e Forcës së Sigurisë së Kosovës, ku thuhet se theksuan se FSK nuk do të bëhet ushtri e Kosovës, e as nuk do të jetë zëvendësim i KFOR-it.

Ministri estonez, i vizitoi edhe 30 paqeruajtës nga vendi i tij që shërbejnë në Grupin Verior të Betejës me bazë në Novo Sellë të Vushtrisë.

< Paraprake		Pasuese >