Kryeministri i Kosovës i është drejtuar Grupit Drejtues Ndërkombëtar duke pranuar se njohjet e pavarësisë po vazhdojnë me një ritëm të ngadalshëm përkundër përpjekjeve për të lobuar për njohje sa më të shumta.

Ai e ka justifikuar këtë situatë me pritjen që po i bëhet opinionit të Gjykatës Ndërkombëtare të Drejtësisë e cila sipas tij mund të sjellë një fazë të re.

Në fjalimin e tij të mbajtur në forumin në Vjenë kryeministri Thaçi ka folur edhe për planin për veriun duke thënë se Prishtina do të jetë e kujdesshme, e durueshme por përfundimisht e vendosur për të zbatuar rendin dhe ligjin në Veri të Kosovës – ashtu siç e parasheh Kushtetuta e Republikës së Kosovës, Plani Gjithëpërfshirës për Statusin e Kosovës dhe Rezoluta 1244 e KS të OKB-së.

Thaçi ka theksuar edhe një herë përkushtimin e qeverisë së tij për të bashkëpunuar me strukturat ndërkombëtare që veprojnë në Kosovë. Ai përmendi progresin sic e quajti ai tw sfidave dhe planeve për përmirësimin e jetës sw qytetarëve dhe për ta sjellë më afër Kosovën drejt anëtarësimit në BE, NATO dhe strukturat tjera ndërkombëtare.

Thaçi ka përmendur antarësimet e Kosovës në organizma ndërkombëtare si edhe ka vlerësuar pozitivisht raportet e vazhdueshme për Kosovën. Sipas tij ato i kanë dhënë Kosovës perspektivën evropiane, sic janë sipas tij liberalizimi i vizave, marrëdhëniet tregtare me BE-në dhe dialogu për Procesin e Stabilizim Asocimit.

Marrëdhëniet fqinjësore të Kosovës me vendet e tjera në rajon Thaci i ka cilësuar si të mira dhe faktor stabiliteti.
Ai ka folur edhe për decentralizimin dhe formimin e komunave të reja të cilat sipas tij duhet të bëhen plotësisht funksionale duke kërkuar përkrahje edhe më të madhe.

< Paraprake		Pasuese >