Kryeprokurori i EULEX-it Theo Jakobs mohon të ketë thënë se në pranverë pritet arrestimi i "peshqve të mëdhenj", por pohon se janë duke zhvilluar hetime të cilat shpreson të japin ndonjë rezultat konkret. Jakobs megjithatë ka shprehur bindjen, se hetimet e misionit evropian për forcimin e sundimit të ligjit në Kosovë, do të kenë disa rezultate për hetime të profileve të larta, dikur vonë në pranverë.
Në një intervistë për gazetën Zëri, ai ka folur edhe për veriun e vendit, të cilën e ka vlerësuar si të jetë një çështje politike. Siç tha ai, kjo zonë nuk është në përgjegjësinë e tij, por shpreson që prokurorët vendorë të kthehen në punë në veri të Mitrovicës. Jakobs theksoi se EULEX-i nuk i njeh skrukturat paralele serbe në Kosovë, duke vlerësuar se "dy juridiksione nuk mund të sjellin një drejtësi". Ndërkaq, për lëndën e aktualizuar të liderit të lëvizjes Vetëvendosje, Albin Kurti, ai tha se ky rast i trashëguar nga UNMIK-u.

< Paraprake		Pasuese >