Nesër në Vjenë të Austrisë mbahet takimi i shteteve anëtare të Grupit Ndërkombëtar Drejtues (GND), ku temë diskutimi do të jenë zhvillimet në Kosovë.
Në këtë takim marrin pjesë edhe kryeministri i Kosovës Hashim Thaçi dhe Përfaqësuesi Civil Ndërkombëtar, njëherësh Përfaqësuesi special i Bashkimit Evropian Piter Feith.
Kreu i ekzekutivit të vendit para GND-së do të flasë për zhvillimet në Kosovë si shtet i pavarur e sovran, me një shoqëri demokratike e multietnike.
Theks të veçantë në raportimin e tij, kryeministri Thaçi do të ketë edhe zbatimin e Kushtetutës dhe zbatimin e plotë të ligjeve në gjithë territorin e Republikës së Kosovës.
Para përfaqësuesve të shteteve anëtare të GND-së do të flasë edhe shefi i ICO- Piter Feith.
Në takim gjithashtu do të rishikohet edhe mandati i Shefit të Zyrës Civile Ndërkombëtare.

< Paraprake		Pasuese >