Kryetari i Parlamentit të Kosovës Jakup Krasniqi ka marrë premtime nga vende që nuk e kanë njohur ende Kosovën se do të ndryshojnë vendimin e tyre.

Përfaqësues të parlamenteve të Bangladeshit, Pakistanit dhe Malajzisë, kanë thënë se do të ushtrojnë ndikimin e tyre te presidenti dhe kryeministri i këtyre vendeve për njohjen e Kosovës.

Lajmi u bë i ditur pas rikthimit në vend të Krasniqit nga Britania e Madhe ku ndodhej në në Konferencën Ndërkombëtare Parlamentare mbi ndërtimin e paqes.

I pyetur nëse është takuar me përfaqësues të vendeve anëtare të BE-së, të cilat ende nuk e kanë njohur pavarësisë e Kosovës, kryeparlamentari Krasniqi është përgjigjur se në konferencë nuk ka pasur përfaqësues të Sllovakisë dhe të Spanjës, vende që s’e kanë njohur Kosovën, ndërsa ka bërë të ditur se ndonëse të pranishëm ishin përfaqësuesit e Qipros nuk është biseduar për Kosovën.

< Paraprake		Pasuese >