Presidenti i Kosovës Fatmir Sejdiu po shqyrton 350 dosje të të burgosurve, për të vlerësuar nëse e meritojnë dekretin për falje apo jo. Aministia pritet të ndodhë për dy vjetorin e pavarësisë së Kosovës, më 17 shkurt.

Këshilltari i Presidentit Xhavit Beqiri, ka deklaruar për të përditshmen Zëri se, Presidenca po analizon secilin rast dhe varësisht nga ata që i plotësojnë kushtet pritet që të merret vendimi për falje të tërësishme apo edhe shkurtim të dënimeve.

Ndërkaq, komisari i burgjeve të vendit, Resmi Hoxha, shpreson në faljen e presidentit, pasi që siç thotë ai këta të burgosur i kanë plotësuar kushtet që të kërkojnë falje. Personat që kanë kërkuar falje janë të dënuar për vepra të ndryshme penale.

< Paraprake		Pasuese >