Kreu i NATO-s, Anders Fogh Rasmusen, gjatë takimit të ministrave të mbrojtjes së vendeve aleate, i ka vlerësuar pozitivisht arritjet në Kosovë. Rasmusen ka theksuar se, aktualisht, Kosova përballet me sfida që nuk janë të natyrës ushtarake.

Agjencia e lajmeve Associated Press citon kreun e NATOS të ketë thënë se sidat e sigurisë në Kosovë, përgjithësisht, nuk janë më të natyrës ushtarake. Rasmusen e ka cilësuar këtë si sukses madhor për Kosovën, për rajonin dhe për bashkësinë ndërkombëtare, përfshirë dhe NATO-n.

Sipas tij Kosova është një histori suksesi. Anders Fogh Rasmusen, ka thënë se ministrat e mbrojtjes po diskutojnë hapat e tjerë që lidhen me misionin në Kosovë duke shtuar se ende nuk ka një vendim rreth asaj se cili do të jetë hapi tjetër në ristrukturimin e KFOR-it. NATO-ja po shqyrton mundësinë e vënies në dispozicion të më shumë trupave për në Afganistan, duke shkurtuar dhe më tej misionin në Kosovë, është thënë në takimin e ministrave të mbrojtjes të vendeve të Aleancës.

Diplomatët e NATO-s bëjnë të ditur se planifikojnë që të shkurtojnë trupat e Aleancës në Kosovë në më pak se 4 mijë në vitin 2011, ka njoftuar agjencia e lajmeve.

< Paraprake		Pasuese >