Aleanca Kosova e Re ka shprehur shqetësimin e saj për zhvillimet e fundit, pas pakënaqësive të policëve dhe punëtorëve të sektorit shëndetësor dhe i ka bërë thirrje Qeverisë që të krijojë grupin e zgjeruar të ekspertëve për të hartuar strategjinë për uljen e varfërisë dhe ngritjen ekonomike.
Zëvendëspresidentja e AKR-së, Mimoza Kusari-Lila, ka thënë të premten se protestat e ditëve të fundit nuk janë të befasishme, por sipas saj, janë vetëm një akumulim i pakënaqësive për një periudhë të gjatë dhe premtimeve të papërmbushura të Qeverisë së Kosovës ndaj këtyre kategorive. Këto greva sipas saj janë vetëm maja e ajsbergut të problemeve, të cilat realisht ekzistojnë në Kosovë. Kusari i bëri thirrje që përderisa, qeveria dhe bashkësia ndërkombëtare në Kosovë krijojnë grupe dhe strategji për veriun e Kosovës nuk duhet lënë anash edhe pjesë tjera të vendit.

< Paraprake		Pasuese >