Komisioni Qëndror i Zgjedhjeve nuk e vendosi në rend të ditës së mbledhjes së sotme çështjen e Gjilanit, pas konfuzioneve të krijuara për këtë komunë. Paqartësitë u shtuan me rastin e marrjes së vendimit nga Gjykata Supreme, të mërkurën, që të anulonte vendimin e KZAP-it për përsëritjen e zgjedhjeve dhe rimarrjes së vendimit nga KZAP-i, të entjen, që rekomandon KQZ-në sërish për përsëritjen e votimeve në Gjilan.
Kryetarja e KQZ-së Nesrin Lushta e pyetur se në hierarkinë e drejtësisë kush qëndron më lart Gjykata Supreme apo KZAP-i, nuk dha një përgjigje të qartë duke thënë se të dyja i kanë kompetencat të caktuara me ligj.
Më i zëshmi që kjo çështje të diskutohet ishte antari i AKR-së, Fadil Maloku, i cili akuzoi dy partitë e mëdha se duan të blejnë kohë për të bërë pazare politike në prapaskenë. Një gjë të tillë e kundështoi anëtari i LDK-së në KQZ Florian Dushi, i cili tha se pati një pajtim që cështja e Gjilanit të mos diskutohet sot, por në një takim të ardhshëm.

< Paraprake		Pasuese >