Serbët e veriut, do të ndalin zbatimin e strategjisë së qeverisë së Kosovës, për integrimin e veriut nën autoritetin e Prishtinës zyrtare.

Në një prononcim për Klan-Kosova, një zyrtar i lartë serb, Millan Ivanoviq, thotë se komuna e Zveçanit, ka nxjerr një vendim që të mos e lejojë zbatimin e kësaj strategjie në veri.

Ky plan i qeverisë së Kosovës dhe përfaqësuesit ndërkombëtar civil Pieter Fajth, sipas tij, ka për synim okupimin e veriut, dhe shuarjen e institucioneve të Serbisë në Kosovë. Kuvendarët e Zveçanit, siç tha ai, kanë vendosur që ta thirrin popullin ta luftojë këtë strategji me të gjitha mjetet e mundshme, dhe se ajo nuk do të mund të zbatohet në veri.

< Paraprake		Pasuese >