Gjykata Kushtetuese ka ftuar në Seancë Dëgjimore, Komisionin Qendror të Zgjedhjeve, për ta shqyrtuar kërkesën e kandidates së AKR-së për kryetare të Gjakovës, Mimoza Kusari – Lila.

Kjo gjë u bë e ditur në mbledhjen e sotme të KQZ-së.
Kjo seancë do të mbahet më 9 shkurt, ku do të vlerësohet kushtetueshmëria dhe ligjshmëria e vendimit të KQZ-së për shpalljen e rezultateve të Gjakovës, pa shqyrtuar të gjithë kërkesat dhe ankesat e parashtruara nga AKR-ja për parregullësi gjatë 15 nëntorit.

Po ashtu parashtruesja e kërkesës, Mimoza Kusari, ka kërkuar edhe vënien e masës së përkohshme për anulimin e rezultateve zgjedhore në komunën e Gjakovës, në vend-votimet ku janë kryer shkelje të procesit zgjedhor dhe organizimin e votimeve të reja nën mbikqyrjen direkte të KQZ-së.
Të martën e ardhshme, palët në procedurë mund të ofrojnë argumentet e tyre për këtë çështje.
Anëtari i AKR-së në KQZ, Fadil Maloku tha se, pret që Gjykata Kushtetuese ta kthej në ri-votim Gjakovën për shkak të parregullësive që kanë ndodhur atje më 15 nëntor.

< Paraprake		Pasuese >