Nënkryetari i Komunës së Burimit Haki Rugova ka shpallur shtatë ditë zie për kryetarin e ndjerë Fadil Ferati. Në një njoftim të z. Rugova thuhet se nga sot e deri më shtatë shkurt komuna e Burimit ish-Istogut do të jetë në zi dhe me këtë rast në datat 1, 2 dhe 3 shkurt nuk do të mbahet mësim në shkollat fillore dhe të mesme. Nënkryetari Rugova u ka shprehur ngushëllime të gjithë qytetarëve të Burimit për humbjen e kryetarit Fadil Ferati. Në ditën e tretë të vdekjes së nënkryetarit të LDK-së dhe njëherësh kryetari i Burimit, Fadil Ferati, qindra qytetarë, kanë vazhduar t' i shprehin ngushëllime familjes së tij në Gurakoc dhe strukturave të komunës në Burim. Duke u përulur para fotografisë së kryetarit të ndjerë, shumë qytetar kanë thënë se vdekja e tij, është një humbje e madhe jo vetëm për Burimin, por edhe për Kosovën. Varrimi i të ndjerit Fadil Ferati, do të bëhet të mërkurën në fshatin e lindjes në Guragoc.

< Paraprake		Pasuese >