Të gjitha rrugët në vend janë të kalueshme për qarkullimin e të gjitha mjeteve. Bëhet e ditur se rruga Prishtinë –Prizren, saktësisht në vendin e quajtur qafa e Dulës, kalohet me pak vështirësi, për shkak të borës dhe akullit. Edhe rruga deri në Kullë, po ashtu ka probleme me ngrica, por megjithatë është e kalueshme. Rruga për në Mal të Zi, është liruar dje për qarkullim edhe për automjete të rënda, pas ndërprerjes së një natë më herët. Ata udhëtarë që përshkuan rrugën Rozhajë-Kullë, thonë se rruga kalohet lehtë. Sipas policisë edhe aksidentet gjatë 24 orëve të fundit ishin të dukshme, por jo të përmasave të mëdha. Janë regjistruar gjithsej 26 aksidente, tri nga të cilat janë me lëndime, ndërsa të tjerat me dëme materiale. Nuk raportohet për aksidente fatale.

< Paraprake		Pasuese >