Është arrestuar Gadaf. D, shtetas i Kosovës për mashtrim dhe raste të posaçme të falsifikimit. I dyshuari ka përfituar shuma të mëdha të të hollave nga qytetarët e Prizrenit duke u premtuar atyre rregullimin e dokumenteve të Republikës së Serbisë. Gjatë kontrollit, në çantën e tij janë gjetur dhe konfiskuar një sasi e madhe e dokumenteve të dyshuara të falsifikuara: Çerifikata, Pasaporta, Nënshtetësi dhe Autorizime për paluajtshmëri. Gjithashtu është konfiskuar një shumë e bankënotave prej 590 euro, 140 denarë të Maqedonisë, 50 franga zvicerane, 6 leva bullgare, 10 marka të Bosnjës e Hercegovinës dhe 5 dollarë amerikanë. Në konsultim me prokurorin e prokurorisë komunale i dyshuari dërgohet në qendrën e ndalimit në Prizren ndërkohë që janë duke u përgatitur të gjitha procedurat penale ndaj këtij të dyshuari.

< Paraprake		Pasuese >