Të gjitha aktivitetet e fushatës parazgjedhore për votimet e 31 janarit në komunën e Prizrenit dhe atë të Lipjanit përfunduan mbrëmë në mesnatë, ndërsa që nga sot në orën 7 të mëngjesit fillon heshtja elektorale. Kjo do të zgjasë deri deri në mbylljen e vendvotimeve, të dielën në ora 19.00 të mbrëmjes. Në garën për të parin e Prizrenit janë Ramadan Muja, kandidat i PDK-së, njëherësh kryetar i komunës dhe Hanefi Muharremi nga LDK-ja. Për të parin e Lipjanit garojnë Shukri Buja, kandidat i PDK-së dhe kryetar aktual i komunës, i cili për kundër kandidat ka Imri Ahmetin e LDK-së. Rivotimi në këto dy vende bëhet me vendim të KQZ-së, për shkak të parregullsive të konstatuara në raundin e dytë të zgjedhjeve, të cilat janë mbajtur më 13 dhjetor të vitit të kaluar. Policia dhe KQZ-ja njoftuan dje se janë marrë të gjitha masat që problemet e mëparshme të mos përsëriten.

< Paraprake		Pasuese >