Ka ndërruar jetë në moshën 50 vjeçare, Fadil Ferati, nënkryetari i LDK-së, dhe kryetar i komunës së Istogut.
Ai vdiq pas një sëmundje të gjatë dhe të rëndë, mëngjesin e së shtunës, në një spital në Gjermani. Ferati ishte kryetar i degës së LDK-së dhe kryetar i Istogut që nga zgjedhjet e para lokale të pas luftës. Në këtë post ai u rizgjodh edhe në zgjedhjet lokale të 2009. Kryesia e LDK-së i shprehu ngushëllime familjes Ferati, qytetarëve të Istogut dhe gjithë Kosovës për këtë vdekje. Telegram ngushëllimi dërgoi edhe Presidenti i Republikës së Kosovës, Fatmir Sejdiu. Fadil Ferati ka dhënë kontribut të veçantë për ndërtimin dhe forcimin e institucioneve të Republikës së Kosovës, thuhej në telegramin e presidentit.
Të gjitha detajet rreth organizimit të ceremonisë së varrimit të nënkryetarit të LDK-së, Fadil Ferati, do të bëhen publike shumë shpejt, njofton kjo parti.

< Paraprake		Pasuese >