Sot është dita e fundit e fushatës parazgjedhore të PDK-së dhe LDK-së në garën për kryetar të Prizrenit dhe Lipjanit. Në këto dy komuna, të dielën do të votojnë rreth 186 mijë qytetarë të Prizrenit dhe Lipjanit me të drejtë vote.
Nga ora 7 e mëngjesit të 31 janarit deri në orën 19, në Prizren do të jenë të hapura 60 Qendra të Votimit, ndërsa në Lipjan 26 të tilla. Raundi i tretë i votimeve në këto dy komuna do të monitorohen nga 2811 vëzhgues vendorë e ndërkombëtarë. Qendra Mediale e KQZ-së, kësaj radhe do të jetë e vendosur në selinë e këtij institucioni, për dallim nga dy raundet e kaluara që ishte e vendosur në Fakultetin Filologjik. Rivotimet në Prizren dhe Lipjan bëhen pas rekomandimve të Komisionit Zgjedhor për Ankesa dhe Parashtresa. Kurse për Gjilanin, KQZ-ja është në pritje të Gjykatës Supreme, ku LDK-ja ka bërë padi në lidhje me mos-zbatimin e plotë të rekomandimit që udhëzonte për rivotime edhe në Gjilan.

< Paraprake		Pasuese >