Politikania serbe e Kosovës, Rada Trajkoviq, nuk ka mendim të njëjtë me Beogradin për strategjinë e integrimit të veriut të Kosovës. Ajo e vlerësoi këtë dokument si shumë serioz, për të cilin tha se, Beogradi duhet të japë një përgjigje përmbajtjesore e jo një përgjigje që nënkupton mohimin dhe që pas saj nuk ekziston ndonjë përmbajtje. Trajkoviq tha për Radion Evropa e Lirë, se Zyra Civile Ndërkombëtare dhe autoritetet në Prishtinë kanë dalë të parët me një strategji për integrimin e veriut dhe kjo i vë në përparësi karshi Beogradit. Ajo shtoi se po të ishte në në pushtet në Beograd, do të dilte e para me një zgjidhje që do t’ua ofronte Prishtinës dhe bashkësisë ndërkombëtare dhe për të cilën do të diskutohej. Kjo për shkak se, siç tha Trajkoviq, të dyja palët janë të vetëdijshme që ekziston problemi i statusit të pazgjidhur institucional për veriun e Kosovës, i cili nuk është plotësisht brenda sistemit të Serbisë e as brenda sistemit të Kosovës.

< Paraprake		Pasuese >