Presidenti i Kosovës Fatmir Sejdiu, refuzon të komentojë letrën që i ka dërguar kryetari i Aleancës për Ardhmërinë e Kosovës, Ramush Haradinaj, ku i bënë thirrje për lidhje të koalicionit parazgjedhor mes AAK-së dhe LDK-së. Gjatë një takimi që zhvilloi sot në zyrën e tij me ambasadorin francez Jean François Fitou kryetari i shtetit, i pyetur nga mediet për letrën e Haradinajt, ka refuzuar që të komentojë pyetjen, ndërsa ka vazhduar të flas me mysafirin e tij. Presidenti Sejdiu, ka ngrirë postin e tij si kryetar i Lidhjes Demokratike të Kosovës, ndërsa askush nga partia e tij, nuk ka dashur deri më sot që të komentojë ofertën e fundit të AAK-së, e cila ndër të tjera bënë thirrje edhe për zgjedhje të parakohshme gjatë këtij viti.

< Paraprake		Pasuese >