Presidenti i Kosovës, Fatmir Sejdiu, u zotua sot se institucionet shtetërore do të vazhdojnë me ndërtimin e strategjisë të zhvillimit ekonomik, me qëllim të krijimit të kushteve sa më të favorshme për bizneset. Duke folur në një takim pune të organizuar nga Oda Ekonomike Amerikane në Prishtinë, i pari i vendit tha se institucionet dhe politika e kanë borxh që ta luftojnë korrupsionin, jo vetëm në fushata elektorale, por që kjo luftë të jetë aktivitet normal i tyre. Sejdiu falënderoi me këtë rast, përfaqësuesit e Odës Ekonomike Amerikane për punën dhe për mbështetjen që Shtetet e Bashkuara i japin Kosovës. Ndërkaq, edhe përfaqësuesit e kësaj ode, shprehën mirënjohjen e tyre për mbështetjen që Sejdiu i jep komunitetit të biznesit dhe politikave të hapjes së Kosovës ndaj ekonomisë globale.

< Paraprake		Pasuese >