Kosova është pranë negociatave për liberalizimin e vizave, mirëpo ato ende nuk kanë filluar. Kështu tha sot zëdhënësja e Komisionit Evropian në Kosovë, Maja Pavloviq, e cila mohoi të jetë takimi i sotëm ndërmjet ekspertëve të Komisionit Evropian dhe atyre të qeverisë së Kosovës, fillim i bisedimeve për këtë çështje. Ajo sqaroi se aspektet teknike që lidhen me regjimin e vizave do të jenë vetëm një nga temat që do të diskutohet në kuadër të takimit për Procesin e Stabilizimin Asociimit. Sipas saj, Dialogu i tillë, që më parë ishte quajtur Mekanizmi Përcjellës i Stabilizim Asociimit, do të mbahet të martën për herë të parë në Prishtinë me emrin dhe formatin e ri.

< Paraprake		Pasuese >