Magjistralja Mitrovicë – Prishtinë është bllokuar për disa minuta gjatë pasdites, pas revoltës së dhjetra qytetarëve kundër KEK-ut.
Sipas pretendimit të tyre Korporata Energjetike të Kosovës ka ckycur padrejtësisht nga energjia elektrike për shtatë ditë rradhasi “Lagjen e Re”, vend ku ata banojnë.
Pas afër 15 minutave të bllokimit të magjistrales Mitrovicë – Prishtinë, në vendngjarje ka arritur edhe policia rajonale e Mitrovicës, me ç’rast ka arrestuar dy nga protestuesit.
Banorët kanë gjetur një mënyrë jo të zakontë për të protestuar duke vendosur në mes të rrugës kryesore goma të automjeteve.
Përfaqësuesi i lagjes, Enver Rexhepi tregoi se arsyeja e bllokimit të rrugës ka ardhur si shkak i padrejtësisë që u bëhet nga KEK-u edhe pse banorët i kanë kryer të gjitha obligimet e kërkuara, si kusht për të lëshuar rrymën.

< Paraprake		Pasuese >