Kryetari i Bordit të RTK-së Rrahman Paçarizi i ka kërkuar sot gjatë një takimi dypalësh Përfaqësuesit Special të Bashkimit Evropian në Kosovë, Pieter Feith që të ndihmojë përkohësisht financiarisht televizionin publik, pasi sipas tij kjo media ndodhet në kolaps financiar. Në përgjigjen e tij Feith i ka premtuar Bordit që do t’i ndihmojë në gjetjen e një zgjidhje adekuate.
Duke prezantuar vështirësitë me të cilat përballet transmetuesi i vetëm publik, z. Pacarizi i ka prezantuar z. Faith çështjen e zgjedhjes së drejtorit të përgjithshëm të RTK-së. Të dy palët janë pajtuar që kjo çështje mjaft e diskutuar të zgjidhet duke përzgjedhur një drejtor profesionist, menaxher të mirë dhe të pavarur politikisht.
Faith ka shtuar se transmetusi publik duhet të jetë i pavarur dhe ka premtuar se do të punojë për arritjen e këtyre standardeve.

< Paraprake		Pasuese >