Në Kosovë po qëndron raportuesi i Këshillit të Evropës Dick Marty, i njohur ndryshe edhe si kundërshtar i pavarësisë së Kosovës. Arsyeja e vizitës së tij ka të bëjë me veprimtarinë e UÇK-së dhe dyshimeve për trafikim organesh, nga kryeprokurorja e Tribunalit të Hagës Carla del Ponte dhe kryeprokurorit të Serbisë, Vladimir Vukçeviç. Në një intervistë ekskluzive për Klan Kosova, Dick Marty tha se ka ardhur për të hetuar të vërtetën rreth dyshimeve për trafikim organesh. Politikani zviceran, tha po ashtu se ka arritur të mbledh informata, të cilat i kanë mundësuar që të ecën para në çështjen e Shtëpisë së Verdhë, siç njihet ndryshe ky rast. Ai falënderoi autoritetet vendore, për gatishmërinë e treguar që t’ia lehtësojnë atij qëndrimin në Kosovë. Strukturat udhëheqëse të Prishtinës janë deklaruar se në agjendat e tyre nuk figuron asnjë takim me të. Marty ka arritur pasditen e së hënës në Prishtinë, dhe është në përcjellje të afërt dhe të rreptë nga policia e Kosovës dhe EULEX-i.

< Paraprake		Pasuese >