Ministri i jashtëm kosovar Skënder Hyseni ka nxitur vendet arabe që të njohin pavarësinë e vendit të tij, gjatë një takimi që ka patur sot me Sekretarin e Përgjithshëm të Ligës Arabe Amr Moussa, në Kairo të Egjiptit duke argumentuar se vendet e Ballkanit e meritojnë mbështetjen nga bota arabe dhe myslimane.
Ministri Hyseni, ka thënë gjithashtu se qeveria e tij “nuk ishte e lumtur” që shumica e vendeve arabe nuk e kanë njohur Kosovën edhe pas dy viteve të shpalljes së saj si shtet i pavarur.
Vetëm gjashtë nga 22 vende arabe kanë njohur deri tani Kosovën. Më shumë se 90 përqind e afro 3 milionë njerëzve në Kosovë janë të besimit mysliman.

< Paraprake		Pasuese >