Në ditën e fundit të muajit të ardhshëm, në Prizren dhe Lipjan do të mbahen zgjedhje për herë të tretë.
Kështu u vendos me shumicë votash, në mbledhjen e së hënës të Komisionit Qendror të Zgjedhjeve.

Kryeshefi ekzekutiv i sekretariatit të KQZ-së, Xhemail Peçani, tha se “kjo datë është koha më e mirë për të bërë të gjitha përgatitjet për mbajtjen e zgjedhjeve”.

Ndërsa, sa i përket hetimit dhe numërimit të votave të Gjilanit, KQZ ende nuk është në gjendje të tregojë se kur do të mund të nisë ky proces, por, mbeti që të martën Sekretariati i KQZ-së të dalë me një plan operacional, për kohën e saktë të fillimit të kësaj pune.
Anëtarët e këtij mekanizmi kërkuan që gjatë këtij procesi të ketë të pranishëm më shumë monitorues ndërkombëtar.

< Paraprake		Pasuese >