Shtetet e Bashkuara të Amerikës për pak i shpëtuan përsëritjes së 11 shtatorit të 2001-së.
 
Kjo për shkak se të premten një pjesëtar i Al-Qaedas mori peng një avion me 278 pasagjerë dhe 11 anëtarë të bordit. Avioni Delta pati destinacion Detroitin, ndërsa nën kontrollin e terroristit u vu pas fluturimit nga aeroporti i Amsterdamit.

Personi në fjalë është identifikuar si Abdul Mudallad, një shtetas 23 vjecar i Nigerisë.
Ai aktivizoi një lloj të eksplozivit, por nuk arriti të ngre në ajër aeroplanin e marrë peng. Pas këtij akti, pasagjerët dhe ekuipazhi arritën të marrin nën kontroll avionin, i cili pak orë më vonë aterroi në aeroportin e Detroitit.

Lëndime pësoi vetëm terroristi. Autoritetet amerikane bënë të ditur se personi i dyshuar ka pësuar djegie të shkallës së tretë.
Nigeriani që ndodhet në spitalin e Detroitit, sipas medieve, pranoi lidhjet me rrjetin terrorist të Al Qaeda-s, në operacionet e tyre në Jemen.
Lajmet shqetësuese i shkuan edhe Presidentit Barack Obama, që ndodhet në pushim në Haëai. Ai urdhëroi një kontroll më të fortë të transportit ajror.

< Paraprake		Pasuese >