Presidenti i Kosovës, Fatmir Sejdiu pati sot biseda telefonike me homologët e tij, Filip Vujanoviqin e Malit të Zi, Bamir Topin e shqipërisë dhe Gjorgji Ivanovin e Maqedonisë.
Sipas një kumtese shtypi nga Presidenca, Sejdiu ka biseduar me ta për aspektet e thellimit të bashkëpunimit midis Kosovës dhe këtyre vendeve.
Aty, ai shtroi aty edhe idenë e takimit të përbashkët. Sipas kumtesës të gjithë presidentët u dakorduan që të bëhet harmonizimi i përbashkët për takimin, që mund të mbahet në muajt e parë të vitit të ardhshëm në Kosovë dhe për datën e saktë të të cilit opinioni do të njoftohet me kohë.
Ky takim, që sipas presidencës nuk i është caktuar data ende, pritet të mbahet në janar, ku në Kosovë të arrij edhe presidenti kroat, Stipe Mesiq.
Agjencia maqedonase e lajmeve INA, bëri të ditur sot se në këtë takim do të marr pjesë edhe presidenti maqedonas, Gjorgji Ivanov, i cili paraprakisht ishte pohuar se do të mungoj për shkak të agjendës së ngjeshur.

< Paraprake		Pasuese >