Kosova ka përparuar shumë. Është anëtarësuar në organizata të rëndësishme ndërkombëtare, dhe ka kaluar suksesshëm zgjedhjet të cilat i organizoi vet, pa ndihmën e ndërkombëtarëve.

Kështu vlerësoi presidenti slloven Danillo Turk, i cili po qëndron për vizitë në Kosovë për të parën herë pas pavarësimit të vendit.

Ai foli edhe për liberalizimin e vizave, dhe tha se Kosova duhet të kaloj edhe disa hapa për të arritur deri në finale.
Kryetari slloven tha se shteti më i ri e ka pasur dhe gjithmonë do ta ketë mbështetjen e Sllovenisë.

Mysafirin nga Lubjana, e priti sot presidenti i Kosovës, Fatmir Sejdiu, i cili e falënderoi atë për mbështetjen e madhe që i ka dhënë Kosovës, si në rimëkëmbjen ashtu edhe në zhvillimin e saj.

< Paraprake		Pasuese >