Shqipëria, Gjermania dhe Arabia Saudite u paraqitën të mërkurën në mbrojtje të pavarësisë së Kosovës, në ditën e dytë të procesit para Gjykatës Ndërkombëtare të Drejtësisë.
Delegacioni nga Shqipëria, mbështetjen e tij e bazoi në atë çka Kosova përjetoi që nga suprimimi i dhunshëm i autonomisë në vitin 1989, nga Serbia e deri të synimet e saj për spastrim etnik në fund të viteve të 90-ta.
E përfaqësuesi i Gjermanisë, vlerësoi se pavarësia e Kosovës, solli stabilitet në Ballkan. Ndërkohë përfaqësuesi i Arabisë Saudite ftoi GJND-në që të ketë parasysh faktin se pavarësia e Kosovës kontribuoj në stabilitetin e vendit dhe rajonit.
Kundër Kosovës ishte Argjentina. Sipas shtetit latinoamerikan, deklarimi i pavarësisë është bërë në kundërshtim me Rezolutën 1244 të Këshillit të Sigurimit.

< Paraprake		Pasuese >