“Shërbimi Informativ i Kosovës, për Lidhjen Demokratike të Kosovës, ka mundur të kryejë ndonjë funksion gjatë luftës, por, për këtë subjekt politik mbetet organizatë ilegale, organizatë fantome”. Kështu ka deklaruar sot, në një konferencë për media, nënkryetari i LDK-së, Lutfi Haziri.

Duke folur për vendimin e djeshëm të gjykatës që Nazim Bllacës të dërgohet në arrest shtëpiak për 30 ditë, Haziri ka shprehur habinë e tij, duke thënë se: “Është e pakuptimtë që dikush të vetë-deklarohet, në qendër të Prishtinës, para publikut, se kam vrarë njerëz, të dërgohet në mbrojtje në shtëpinë e tij,”. Kjo sipas Lutfi Hazirit është një çështje që Lidhja Demokratike e Kosovës pret më shumë shpjegime nga autoritetet.

< Paraprake		Pasuese >