Azem Syla, anëtari i kryesisë së PDK-së dhe ish- komandanti i Shtabit të Përgjithshëm të UÇK-së, e quajti Bllacën shpifës, ndërsa kërkoi nga organet kompetente të drejtësisë që të merren me të. Megjithatë, ai tha se për momentin nuk e ka ndërmend t’i përgjigjet me padi private këtij të fundit, meqë sipas tij deklaratat e djeshme të Bllacës janë vepra të rënda penale, të cilat do të duhej të ndiqeshin zyrtarisht nga ata që janë të thirrur të mbrojnë dhe të implementojnë ligjin.
Ndërkaq, i përfoluri në CD-në e Nazim Bllacës Fahredin Gashi, mohoi të gjitha akuzat se ka qenë pjesëmarrës në një sërë aktivitetesh kriminale. Ai thotë se ka qenë e kundërta, ai është viktimë e Nazimit, pasi që ky I fundit I ka kërkuar haraç të lartë.

< Paraprake		Pasuese >