Ish-pjestari i SHIK-ut, Nazim Bllaca, u ndalua të hënën mbrëma nga policia, pas marrjes në pyetje nga prokurori ndërkombëtarë.
Nazim Bllaca të hënën bëri publik edhe një audio-incizim, me të cilin thotë se i dëshmon lidhjet me SHIK-un dhe Azem Sylën
Një gjë të tillë, në audio-incizim, e pohon edhe Shpresim Uka, i cili me 13 tetor të këtij viti, bisedoi me Bllacën, në cilësinë e të dërguarit të Azem Sylës.
Në këtë bisedë Shpresimi pohon se Bllaca dhe Syla patën një takim të përbashkët në një lokal të quajtur Ana Benz. Gjithnjë sipas audio-incizimit, Bllacës i kërkohet të mos vazhdojë me denoncimet e shokëve të tij në EULEX apo në media.
Në incizim Bllaca thotë se ka qenë i vetëdijshëm për rrugën që ka nisur dhe e ka menduar epilogun e gjithë kësaj.

< Paraprake		Pasuese >