Azem Syla, i apostrofuar nga Nazim Bllaca, si urdhërues i një serë krimesh, ka mohuar çdo lidhje me pretendentit Bllaca. Në një intervistë për të përditshmen Express, Azem Syla u shpreh i shokuar me akuzat e Bllacës, të cilin e cilësoi si të panjohur. Ndërsa nismën e dy deputetëve, Gani Geci dhe Adem Salihaj, të cilët publikuan CD-në e rrëfimit të historisë së Nazim Bllacës, Syla i quajti si shpifje dhe rrena.

Për këtë arsye, Azem Syla paralajmëroi ngritjen e një padie, ndërsa shprehu gatishmërinë për t’u përballur me organet e drejtësisë. Protagonisti i video xhirimit, e apostrofon Azem Sylën, si epror të tij në Shërbimin Informativ të Kosovës – SHIK, deklaratë kjo të cilën Syla e hedh poshtë, të ketë qenë ndonjëherë shërbyes në SHIK.

Azem Syla, në lidhje me këtë CD që sipas spekulimeve ka qëndruar me vite të tëra në UNMIK, dhe në struktura tjera ndërkombëtare, ka thënë se, nuk është pyetur asnjëherë nga organet e drejtësisë vendore dhe ndërkombëtare.

< Paraprake		Pasuese >