Një femër 23 vjeçare është vrarë dhe dy persona tjerë janë lënduar me armë zjarri, mbrëmë në fshatin Rakinicë të Skenderajt. Sipas policisë ngjarja ndodhi pas mesnate, kur dy vajza të familjes Hajra gjersa po ktheheshin në shtëpi në shoqëri me dy djem, janë ndal nga dy anëtarë të kësaj familje ku njëri nga ta, pa paralajmërim, e ka vrarë motrën e vet brenda në makinë, duke e qëlluar nga afër në kokë, ndërsa dy djemtë shoqërues të vajzave i kanë rrahur me mjete të forta.
Sipas policisë djemtë që kanë marrë lëndime kanë arritur të ikin deri në stacionin e policisë në Skenderaj ku kanë kërkuar ndihmë, pasi që kushërirët Hajra, vëllai dhe kushëriri i vajzës së vrarë i kane ndjekur ata deri në stacionin e policisë. Madje ata kanë tentuar të hyjnë në stacion për të sqaruar punët me viktimat, po policia arriti t’i lokalizojë e më pas t’i arrestojë.
Dy të lënduarit, janë trajtuar në QKUK Prishtinë.

< Paraprake		Pasuese >