Lidhja Demokratike e Kosovës vazhdon të lidhë koalicione me Aleancën për Ardhmërinë e Kosovës për raundin e balotazhit. Pas Prizrenit, Gjilanit e Dragashit, Lipjani është komuna e radhës ku LDK merr përkrahjen e AAK-së.

Kandidatit të kësaj partie Imri Ahmetit, i janë bashkangjitur edhe ORA, PSD-ja dhe PDAK-ja ndërsa sipas tij , LDK është në bisedime edhe me AKR-në dhe LDD-në, gjë që do të përforconte ndjeshëm pozitën e tij në balotazh.

Në raundin e parë në Lipjan , Ahmeti doli i dyti me 36.8 % të votave, pas Shukri Bujës nga PDK-ja që doli i pari me 45.9 %.
Kandidati i AAK-së në Lipjan kishte 2.8 %, i PSD-së 1.5 % ndërsa kandidati nga koalicioni AKR-LDD, 13 %.

< Paraprake		Pasuese >