Deri më tani askush nuk ka marr vaksinën kundër gripit të derrave.
5 mijë të tillë tashmë janë vendosur në Institutin Kombëtar të Shëndetësisë Publike të Kosovës, të cilat Turqia i dhuroi për Kosovën.

Vaksinimi nuk ka filluar pasi që ministria e shëndetësisë ende nuk e ka krijuar listën e personave që duhet t’i nënshtrohen një procesi të tillë.
Naser Ramadani, drejtor i IKSHP-së, tha për televizionin tonë, se ky institut është në pritje të listës nga Ministria e Shëndetësisë, dhe kur ajo të jetë gati, atëherë do të fillojë vaksinimi.
Ai bëri të ditur se të hënën nuk është konfirmuar asnjë rast i prekur nga gripi i derrave në Kosovë.
Deri tashti nga ky virus janë konfirmuar si të infektuar 81 raste, dy nga të cilat përfunduan me vdekje.

< Paraprake		Pasuese >