Qytetarët e Kosovës, nuk janë të kënaqur me punën e Parlamentit, thotë raporti i paralajmërimit të hershëm që e publikoi sot Programi për Zhvillim i Kombeve të Bashkuara-UNDP.

Qytetarët janë shprehur shumë kritik edhe për punën e gjykatave dhe Eulex-it, i cili ka pësuar rënie prej 15%, krahasuar me vlerësimin që dhanë qytetarët në qershor.

Anketa e bërë me rreth 1300 persona, 830 shqiptar dhe 230 serbë, tregon se ka rritje të pesimizmit politik që statistikat tregojnë që kjo ekziston te 33 përqind e të intervistuarve.

Shumica e të intervistuarve sipas raportit, kanë theksuar se papunësia dhe varfëria janë brenga më e madhe dhe kjo sipas tyre është kërcënim për stabilitetit në Kosovë. Ndërkaq, institucionet tek të cilat është i pranishëm korrupsioni në nivel të lartë, nga anketa e bërë kanë dal të jenë KEK-u dhe AKM-ja, të ndjekura pas nga sistemi shëndetësor.

< Paraprake		Pasuese >