Gjatë javës së parë të fushatës parazgjedhore, ka rënë në sy gjuha e ashpër e përdorur nga subjektet politike.

E me theks të veçantë ajo e Behgjet Pacollit, i cili deklaruar në një tubim në Prishtinë se, “Nuk i fitojmë votat me kallashnikov”.
Kështu u tha sot, nga koalicioni i organizatave jo-qeveritare, “Demokracia në Veprim”, në një konferencë për media.


Sipas drejtorit ekzekutiv të këtij koalicioni, Ismet Kryeziut, ndonëse ka elemente jo pozitive gjatë një jave të fushatës, megjithatë kjo po shkon drejt trendeve normale.

Po ashtu, sipas raporteve nga terreni, të këtij koalicioni, vërehet përdorimi i fëmijëve në aktivitetet e fushatave të partive politike, dhe përdorimi i veturave publike nga zyrtarë të ndryshëm për qëllime partiake. Sipas Kryeziut, ka disa raste kur zyrtarë komunalë marrin pjesë në tubime partiake gjatë orarit të punës. Po ashtu në raportin e një jave fushatë, u përmenden edhe ankesat e disa subjekteve politike, ndaj sjelljes së rivalëve politik.

< Paraprake		Pasuese >