Serbia ka nisur nga e marta furnizimin me rrymë të pjesës veriore të vendit, pasi zona nga e hëna mbrëma mbeti pa furnizim nga Korporata Elektroenergjetike e Kosovës.
Zyrtarë të qeverisë serbe, janë cituar nga mediet e atjeshme të kenë thënë se furnizimi prej 20 megavatesh është duke u bërë për shkak të mënjanimit të ndonjë katastrofe humanitare.
Kjo pjesë përfshin 17 për qind të territorit apo pjesën veriore të Mitrovicës, Zveqanin, Leposaviqin dhe Zubin Potokun. Ndërsa borxhi që kanë konsumatorët e këtyre anëve, e që janë kryesisht serbë, ka kaluar tashmë vlerën e 100 milionë eurove.

< Paraprake		Pasuese >