Rusia mbështet fuqishëm integritetin territorial dhe sovranitetin e Serbisë.
Këtë premtim presidentit të Serbisë Boris Tadiq ia dha aleati i tij më i madh, presidenti rus Dmitri Medvedev, gjatë vizitës së tij të sotme në Beograd.
Medvedev vlerësoi se Rusia qëndron ende në vijë të njëjtë me Serbinë, kur është në pyetje statusi i Kosovës. Megjithatë, Kosova nuk ishte në qendër të diskutimeve të rusit në Beograd.
Ndërkaq, presidenti serb Boris Tadiq në disa momente përmendi pavarësinë e Kosovës, si të njëanshme të paligjshme.
Tadiq, partneritetin e Rusisë e vlerësoi si atunë kryesor në dëshmimin e së vërtetës në Gjykatën Ndërkombëtare të Drejtësisë, dhe në rihapjen e bisedimeve rreth statusit të Kosovës.

< Paraprake		Pasuese >