Administrata e OKB-së, nga 1 tetori, u përjashtua edhe nga çfarëdo kompetence që kishte deri tashti në drejtësinë e Kosovës.
Që nga fillimi i këtij muaji, të gjitha shtetet që kërkojnë ndihmë juridike ndërkombëtare në Kosovë, e që deri tashti e kanë bërë këtë te UNMIK-u, duhet t’i drejtohen direkt Ministrisë së Drejtësisë.
Kështu ka vendosur shefja e këtij dikasteri qeveritar, duke e nënshkruar vendimin mbi marrjen e kompetencave komplete.
Për këtë vendim ministrja Nekibe Kelmendi informoi të hënën edhe anëtarët e bordit për sundimin e ligjit, ndërsa që një shkresë për këtë i është dërguar edhe Serbisë dhe shteteve tjera që nuk e kanë njohur pavarësinë e Kosovës.
E vendimi përfshinë kërkesat për ekstradim, për transferimet e personave të dënuar e rrëmbimin ndërkombëtar të fëmijëve.
E nga një kopje i është dërguar organeve të gjyqësisë në vend, qeverisë së Kosovës dhe komponentës së EULEX-it.

< Paraprake		Pasuese >