Të gjitha shkollat fillore e të mesme, në dhjetë komuna të Kosovës, nga një janari i vitit 2010, do të kenë autonominë e tyre financiare.

Drejtorët e shkollave, nuk do të detyrohen më të bëjnë kërkesa në drejtori për nevojat e shkollës, siç ka ndodhur me parë. Nënshkrimi i kësaj marrëveshje, mes Ministrisë së Arsimit dhe Drejtorive Komunale, u bë pasi që projekti fillestar për autonomi financiare në tre komuna u tregua si i suksesshëm.


Zyrtarët të ministrisë, thanë se në janar të vitit 2011, buxhetin e tyre do ta kenë të gjitha shkollat e Kosovës. Autonominë financiare nga ky vit fiskal, do ta kenë shkollat në komunën e Prishtinës, Prizrenit, Pejës, Gjakovës, Ferizajt, Mitrovicës, Suharekës, Klinës, Podujevës dhe Shtimes.

< Paraprake		Pasuese >