Astrit Salihu sot doli dhe pastroi Prishtinën. Në krah i dolën edhe të rinjtë e partisë së tij, për të pastruar një pjesë të parkut në lagjen Dardania të kryeqytetit. Nga aty, dërgoi porosinë e tij të radhës për kreun aktual të Prishtinës, Isa Mustafa. Në fakt, përsëriti se Isa Mustafa, është njeri i mirë. Ndonëse vepron dhe flet si në fushatë parazgjedhore ai e mohon një gjë të tillë, edhe pse nuk harron të ankohet për pastërtinë në kryeqytet. Salihu u ndihmua edhe nga zëdhënësi I qeverisë, njëherësh edhe kryetari i Rinisë Demokratike të Kosovës,Memli Krasniqi, i cili tha se kjo nuk është fushatë dhe se PDK-ja do ta fillojë atë në afatin e caktuar, më 15 tetor.

< Paraprake		Pasuese >