Partitë kosovare mund të zhvillojnë fushatë jo vetëm 1 muaj para zgjedhjeve, por edhe tërë vitin, nëse nuk ankohet ndonjëra prej tyre dhe nëse i referohemi kodit të mirësjelljes në ligjin për zgjedhjet. Kodi i mirësjelljes për subjektet politike dhe kandidatët e tyre nuk parasheh ndëshkim për ato parti ose kandidatë që bëjnë fushatë para afatit të caktuar me ligj.
Komisioni Qendror Zgjedhor, në deklarimet e mëhershme, topin e hedh tek Komisioni Zgjedhor për Ankesa dhe Parashtresa, ndërsa ky i fundit thotë se pa pasur ankesa nga ndonjë parti apo kandidat, nuk mund të iniciohet asnjë procedurë. Gjithë këtë, organizata nga shoqëria civile e kanë vlerësuar si zbrazëti ligjore.

< Paraprake		Pasuese >