Problemi me ujë në Drenicë pritet të zgjidhet nëse realizohet një projekt i cili është bërë nga një firmë gjermane në bashkëpunim me komunën e Skenderajt. Në fshatin Kuçicë, pritet të formohet një liqen artificial.
Kjo nëse do të realizohet një projekt i komunës së Skenderajt i cili do të kushtoj hiq më pak se 33 milion euro.
Sipas zyrtarëve nga kjo komunë penda do të këtë 12 milion e 500 mijë metra kubë ujë, dhe pritet të furnizoj me ujë gjithë Drenicën e më gjerë. Ndërkaq në fazën e dytë të këtij projekti parashihet ndërtimi edhe i hidrocentralit.
Për të realizuar këtë projekt të shtrenjtë, Skenderaj i hedh sytë në donacione.
Uji i këtij liqeni do të grumbullohet uji nga lumi Klina dhe të reshurat atmosferike.
Zyrtarët komunal shpresojnë të nisin punimet në vitin e ardhshëm, ndërkaq, për këtë qëllim ata kanë filluar ndërtimin e rrugës e cila shkon deri te vendi i pendës.

< Paraprake		Pasuese >