Prehet shiriti, dhe i urohet e mbara laboratorit për diagnostifikimin e gripit AH1N1, në prani të krerëve më të lartë institucional.

E përveç kësaj ceremonie, nuk munguan as premtimet për projekte të tjera në shëndetësi. Kryetari i shtetit Fatmir Sejdiu, tha se tash e tutje Kosova të gjitha analizat e dyshimta për të gjitha llojet e gripit, do të mund ti kryej në këtë laborator.

Ndërsa, kryeministri Hashim Thaqi, tha se do të ketë edhe projekte të tjera në shëndetësi, të cilat Qeveria I ka në plan ti realizojë. Të pranishëm në këtë inaugurim ishin edhe zyrtarë të Bankës Botërore dhe shumë epidemiologë e infektologë të vendit. Laboratori i përuruar, është futur menjëherë në punë.

< Paraprake		Pasuese >