Bashkimi Evropian do ta rishqyrtojë përmbajtjen e Enciklopedisë maqedonase që shkaktoi një tërbim të madh te shqiptarët. Këtë informacion e bëri të ditur televizioni maqedonas A1, i cili raporton se Brukseli zyrtar në ditët në vijim do të del me një komunikatë zyrtare në lidhje me enciklopedinë.

Partia shqiptare në pushtet BDI, është në pritje të reagimeve nga Bashkimi Evropian. Sipas tyre shtrembërimi i së vërtetës në enciklopedinë e botuar nga Akademia e Arteve dhe Shkencave të Maqedonisë, paraqet një goditje të fuqishme për shoqërinë.

Nëse Bashkimi Evropian konstaton se ka bazë për të kritikuar enciklopedinë e botuar, atëherë kjo do të reflektonte negativisht në raportin e ardhshëm të BE-së për marrëdhëniet ndëretnike, që konsiderohet si pika më e ndjeshme e Maqedonisë.

< Paraprake		Pasuese >