Veprimet primitive të shtrembërimit të së kaluarës së popullit shqiptar, të përvetësimit të trashëgimisë së tij dhe të popujve të tjerë për ta madhëruar historinë e vet, e të ngjashme, flasin për shkallën në të cilën është katandisur kjo pjesë e shkencës në Maqedoni, që të kujton frymën e Akademisë Serbe të Shkencave dhe të Arteve.

Kështu thuhet në reagimin e Akademisë së Shkencave dhe Arteve të Kosovës ndaj botimit të Enciklopedisë maqedonase, nga Akademia e Shkencave dhe Arteve të Maqedonisë, në të cilën shqiptarët njihen si “arbanasë”, “arnautë” dhe “shqiptari”, ku kjo e fundit shoqërohet me shpjegimin përkatës njerëz mali. ASHAK vlerëson se Enciklopedia maqedonase përmban frymë dhe përmbajtje antishqiptare, e me këtë implikon zhvillime të mëtejme jo vetëm për rrethanat kulturore e shkencore në Maqedoni e në rajon, po edhe për zhvillimet ndëretnike e ndërshtetërore, për çka Kryesia e ASHAK-ut shpreh keqardhje dhe brengosje.

< Paraprake		Pasuese >